Capì un disegnu
Cumpradori : A i tempi in China, era un paisanu caricatu di putere di e firme straniere. Ind’è i P.V.D., era un membru di a burghesia nustrale arrichitu ind’è u cummerciu incù i stranieri. |
1 Prisentate u ducumentu
2 Discrive u ducumentu : punti cumuni è sfarenti trà e trè figure
3 A chì mondu rinvia ogni figura ? Chì caratteristiche d’ogni mondu sò missi in valore ?
4 Duva u disegnatore mette a tagliatura trà sti trè mondi ? Face iè o nò u cuntrastu trà u " Nordiu " è u " meziornu " ?
Spiecà un testu
I Cuntrasti in India
Bombay, capitali ecunomica di l'India, dà l'imprissioni d'una duppia identità : da una parti, una burghisia è classi mizani numarosi, à spissu furmati in Ingliterra o in i Stati Uniti, parlendu un mischiu d'inglesu è di hindi, à spissu ingigneri o tecnichi in l'eletronica o l'atomicu, o ancu universitarii fini, avvizzi à intarvena è publicà in li rivisti internaziunali i meddu, campendu in magnifichi " cunduminii " di bordimari, fraquintendu ustarrii di lussu ; da l'altra parti, una quantità scema di disgraziati mori di peddi, durmindu in una quatredda o un scornu di u tighjatu, o ancu in i tendi longu à i vii farrati, chirendu limosina o tragulinendu...
Si ni ghjunghji à pinsà chì bastaria à metta pilferru dinticatu è postu fruntiera à l'intrata di a penisula di bombay, di scaccià ni i " senza casa né tettu " è senza impiegu cunnisciutu, è ci nasciaria guasgi un altru Hong Kong, cù un PNB à abitanti à u minimu deci volti supranu à quiddu di u restu di l'India.
Ci tocca à di dinò chì à centu chilomitra di a metropula, in i savani di u Dekkan, tanti è tanti paisani ani sempri par solu urisonti a so poca prudiizzioni di scagliola (o panicu), par l'autocunsumazioni, a so vacca unica è sola, u so puzzu d'acqua turbida è a so razzica, com'è tanti seculi fa. Eccula, a " diversificazioni " llu Terzu Mondu !
C. Grataloup, J-L. Margolin. Espace Temps, No 36, 1987
1 In dui culonni, date e parolle è sprissione parlendu di u sviluppu o di u sottu sviluppu ind’è a cità di Bombay in India |
Cunduminiu : Di u latinu dominium – suvranità – . Drittu di suvranità praticatu in cumunu da parechje putenze nant’à un stessu paesu, una stessa regione |
2 Chì hè u tipu di cuntrasti à Bombay ? |
|
3 Spiecate l’ultima frasa di u testu. Parchì traduce a vista di l’autore ? |
|
|
Dernière mise à jour le 10/03/2004
Retour page d'accueil
Par Petru D'ORAZIO et Sergiu ETIENNE
Email: serge-etienne@orange.fr